|
|
|
Shoshoni Language Project, Department of Anthropology dease American Indian Studies dukai guhnaikande, Idaho State University-hga. Co-Director-nehwe, Drusilla Gould, Christopher Loether ma'ai.
Iki nawiwatsewitee' bendu sika Shoshoni Language Project-han guhnaikanna:
- Tsaangu sika sosoni' daigwapeha nima'ebe'ihkande, dease gai sika dan newe nahapeha su'ahaibeide, tsaangu ma tsateboofoimi'adu'i.
- Sika da sosoni' daigwapeha naboohkanna tsapuimi'adu'i, newen na'nahaidahkandu.
- Sikan da sosoni' daigwapeha naboohkanna damme nanewenei' hanningende, gai sosoni' daigwapeha tsaa nimmabana'aidee' gahyunde, baishe sika sosoni'an daigwapeha nimmabaaduhkandeen gahtu.
- Sika damme sosoni' daigwapeha nannamadahaikun nannademazaimahkande, seem ma'ai, ma boomi'adu'i
- Ege nahnadei' sika sosoni' dun dan daigwanna nichahdaigwangemmi'adu'i.
- Bendu sika sosoni' daigwapeha na'na'haidami'adu'iha biawaigi meemi'adu'i.
- E'egebichiha daiboo'nee' hannihkinna, sosoni' dun nihami'adu'i.
- Sika sosoni' daigwapeha daigwami'ade, tsaa ma nanineesungaami'adu'i.
|
|
